菊梓喬轉行妖冶路線有驚喜 7年面容變化大撞樣林夏薇


菊梓喬（Hana）將於下月20日舉行演唱會，亦是她相隔4年再度在香港開騷。最近菊梓喬正密鑼緊鼓籌備演出，日前佢為演唱會拍攝海報，同時也有見傳媒，當時非常密實。不過菊梓喬之後在社交網貼出拍攝海報的花絮相，原來佢著上低胸晚裝，難得大方騷事業線！


菊梓喬於社交網貼出化妝相，留言：「這次，來點特別的」，正係為下月20日舉行的演唱會做準備。菊梓喬身穿平口黑色禮服，展示迷人鎖骨同深長事業線。其實，菊梓喬近年嘅妝容都越來越妖艷，同初出道時清純妝容有好大分別，而且面型都有進化，比初時嘅baby fat尖咗好多。有網民講笑留言：「感覺你在黑化。」唔少網民都大讚佢百變，而且大個女咗，女人味濃：「不僅臉美然後身材也好好！」、「Hana姐姐好靚，到時見」。仲有人留言指佢同視後林夏薇撞樣，二人同樣係美女，相似都唔出奇呀！


菊梓喬今年2月在澳門舉行演唱會時，被耳機轟傷耳膜，佢日前受訪時坦言留下陰影，下次開騷會小心檢查清楚，不過佢並冇特別要求加大保險。佢預告演唱會會挑戰性感極限，唔介意著Bra top及短褲出場，還因為悶得太耐想嘗試跳舞。